هەواڵی نوێ لەسەر دوورخستنەوەی کیکی سیتین بخوێنەرەوە

SNN Sport

بە پێی زانیاری راگەیاندنەکانی ئیسپانیا، هێشتا لە یانەی بەرشەلۆنە هیچ بڕیارێک لەسەر داهاتووی راهێنەری یانەی بەرشەلۆنە کیکی سیتین نەدراوەو ئیدارەی یانەکە نایەوێت بە خێرایی بڕیار بدات.

پاش دۆڕانی بەرشەلۆنە بە ئۆساسۆنا 2-1 لە هەفتەی 37ی لالیگا و لە دەستدانی نازناوی خولەکە بە تەواوی،یانەی بەرشەلۆنە کۆبوونەوەی لەگەڵ کیکی سیتین ئەنجامداوەو بە پێی زانیارییەکانی رادیۆی کادێنا سێری ئیسپانی، بڕیار لەسەر داهاتووی ئەو راهێنەرە نەدراوە، ئیدارەی یانەی بەرشەلۆنە نایەوێت بڕیارێکی ئاگرین و بە پەلە بدات.

ئەم سەرچاوە ئاشکرای دەکات، ئیدارەی یانەی بەرشەلۆنە بە پەرۆشە ئاستی باشی یانەکە دەگەڕێتەوە دوای پشووەکان و داهاتووی کیکی سیتینی راهێنەر لە چەند رۆژی داهاتوو بە فەرمی دیاری دەکرێت.

لە ئێستادا لە یانەی بەرشەلۆنە ناکۆکی لە نێوان یاریزانەکان و کیکی سیتینی راهێنەر هەیە،دوای شکستی بەرشەلۆنە بە ئۆساسۆنا، سیتین مانەوەی خۆی لە یانەکە دووپاتکردەوە، بەڵام بۆ یاری گەڕانەوەی قۆناغی شانزەی خولی یانە پاڵەوانەکانی ئەوروپا بەرامبەر بە  ناپۆلی  کە لە 8/8/2020 لە یاریگای کامپ نۆ ئەنجام دەدرێت، تا ئێستا یەکلایی نەبووەتەوە کیکی سیتین راهێنەر دەبێت یان نا.