وهزیرى دهرهوهى ئێران گهیشته ههولێر و لهلایهن شێخ جهعفهر شێخ مستهفاوه پێشوازى لێ كرا
محهمهد جهواد زهریف، وهزیرى دهرهوهى ئێران | فۆتۆ: The Sun
SNN
ئێوارهى ئهمڕۆ وهزیرى دهرهوهى ئێران لهڕێگهى فڕۆكهخانهى نێودهوڵهتى ههولێرهوه گهیشته ههرێمى كوردستان.
مهودا مستهفا، پهیامێرى SNN له ههولێر رایگهیاند: “ئێوارهى ئهمڕۆ محهمهد جهواد زهریف، وهزیرى دهرهوهى ئێران لهڕێگهى فڕۆكهخانهى نێودهوڵهتى ههولێرهوه گهیشته ههرێمى كوردستان، لهلایهن شێخ جهعفهر شێخ مستهفا، جێگرى سهرۆكى ههرێم و سهفین دزهیی، بهرپرسى فهرمانگهى پهیوهندییهكانى دهرهوهى ههرێم، فهوزى ههریرى، سهرۆكى دیوانى سهرۆكایهتى ههرێم پێشوازى لێ كرا”.
وتیشى: “وهزیرى دهرهوهى ئێران به یاوهرى ئیرهش مهسجدى، باڵیۆزى ئێران له عێراق و عهباس مووسهوى، وتهبێژى وهزارهتى دهرهوهى ئێران سهردانى ههرێمى كردووه، راستهوخۆ سهردانى نێچیرڤان بارزانى، سهرۆكى ههرێم دهكات و لهگهڵى كۆدهبێتهوه، سبهیش سهردانى مهسرور بارزانى، سهرۆكى حكومهتى ههرێم دهكات و لهگهڵى كۆدهبێتهوه”.
سهردانهكهى جهواد زهریف، بۆ ههرێم دواى ئهوهدێت كه بهیانى ئهمڕۆ گهیشته عێراق و لهگهڵ مستهفا كازمى، سهرۆكوهزیرانى عێراق، فوئاد حسێن، وهزیرى دهرهوهى عێراق، بهرههم ساڵح، سهرۆككۆمارى عێراق ، محەمەد حەلبوسی، سەرۆكی ئەنجومەنی نوێنەرانی عێراق و فالح فەیاز، سەرۆكی دەستەی حەشدی شەعبی، هادی عامری، سەرۆكی هاوپەیمانی فەتح و عەممار حەكیم، سەرۆكی رەوتی حیكمه كۆبووهوه.
لهدواى كۆبوونهوهى لهگهڵ وهزیرى دهرهوهى عێراق، وهزیرى دهرهوهى ئێران ئهمڕۆ له كۆنگرهیهكى رۆژنامهوانیدا رایگهیاند: “پەیوەندییەکانی عێراق و ئێران بە خوێن هاتۆتەبوون و پارێزگاریی لێدەکەین، ئاشتی عێراق ئاشتی ناوچەکە و ئێرانیشە، سەرەڕای نەمانی داعش و رووخانی ئەو گروپە، بەڵام هەر ترس هەیە لەوەی سەرهەڵبدەنەوە، عێراقێکی بەهێز و سەقامگیر خواستی ئێمەشە”.
سهردانهكهى زهریف بۆ ههرێمى كوردستان چوارهمین سهردانى ئهو وهزیرهیه، كۆتا سهردانى له 15ى كانونى دووهمى 2019 دا بوو كه لهگهڵ بهرپرسانى باڵاى حكومى له ههرێم كۆبووهوه.
