ئۆفهرێكی خهیاڵی له خولی چینییهوه بۆ رامۆس
رامۆس
SNN Sport
پێگەی ( دیفێنسا سەنتراڵ )ی ئیسپانی ئاماژهی بۆ ئهوە كرد كه سێرجیۆ رامۆس بهرگریكاری یانهی ریاڵ مهدرید ئۆفهرێكی به مووچهیهكی خهیاڵی پێشكهش كراوه له پێناو گواستنهوهو یاریکردن لە خولی چینی.
رۆژنامهكه روونیكردهوه كه كاپتنی یانهی شاهانه ئۆفهرێكی بۆ هاتووه له یهكێك له یانهكانی خولی چینی کە ناوی نههێنراوه به مووچهی 22 ملیۆن یۆرۆ له وهرزێكدا.
رۆژنامهكه ئهوهشی خستهڕوو كه یانه چینییهكه خوازیاره رامۆس به بێ بهرامبهر له كۆتایی وهرزی 2020-2021 بباته ریزهكانی پاش كۆتاییهاتنی گرێبهستهكهی لهگهڵ ریاڵ مهدرید له 30 حوزیرانی 2021.
رامۆس له ئێستادا 13 ملیۆن یۆرۆ لهوهرزێکدا له ریاڵ مهدرید وهردهگرێت و ئەگهر به ئۆفهری یانە چینییهكه رازی بوو ، دهبێته دووهم یاریزانی ئیسپانی خاوهنی بهرزترین مووچه بێت له جیهان ، له پاش ئەندرێس ئینێستا كه 25 ملیۆن یۆرۆی دهستدهكهوێت لهگهڵ یانهی ڤیسیل كوبی ژاپۆنی.
