ڤیدیۆ:یۆڤانتۆس بۆ جاری نۆیەمی لەسەریەک بووە پاڵەوانی خولی ئیتاڵیا

SNN Sport

لە هەفتەی 36ی خولی ئیتاڵیا، یانەی ئۆڤانتۆس توانی نازناوی ئەم وەرزەی خولەکە بباتەوەو بۆجاری 36 لە مێژوویدا ببێتە پاڵەوان، کە نازناوی نۆیەمی لەسەر یەکبوو.

هەردوو یانەی یۆڤانتۆس و سەمپدۆریا لە یاریگای یۆڤانتۆس رووبەڕووی یەکبوونەوەو لە ئەنجامدا  یانەی یۆڤانتۆس توانی 2-0 یاریەکە بباتەوەو  ببێتە پاڵەوانی ئەم وەرزە.

لە گێمی یەکەم رۆناڵدۆ توانی لە خولەکی 45+7 گۆڵی پێشکەوتن بۆ یانەی یۆڤانتۆس بکات و گێمی یەکەم 1-0 تەواو بوو.

لە گێمی دووەم بێرناردسکی توانی ئەنجامەکە لە خولەکی 67 بکاتە، 2-0 و لە خولەکی 89 رۆناڵدۆ لێدانی سزای لە دەستداو نەیتوانی گۆڵی ژمارە 32 لەم وەرزەی خولەکە بکات، بە جیاوازی 3 گۆڵ لە دوای ئیمۆبێلی هێرشبەری یانەی لازیۆ دێت.

خاڵەکانی یۆڤانتۆس بووە 83 خاڵ لە 36 یاریدا و بە فەرمی بووە پاڵەوانی خولەکە، یەکەم یانەیە لە مێژووی خولی ئیتاڵیا و پێنج خولە گەورەکەی ئەوروپا 9 جاری لەسەر یەک ببێتە پاڵەوان.

CHAMPIONS!!!!!!!!! 🏆🏆🏆🏆🏆🏆🏆🏆🏆 #Stron9er pic.twitter.com/ipb4FN1qMN

— JuventusFC (#Stron9er 🏆🏆🏆🏆🏆🏆🏆🏆🏆) (@juventusfcen) July 26, 2020