گرنگترین مانشێتی ئەمڕۆ پێنجشەممە 30/7/2020ی رۆژنامە وەرزشییەکانی ئیسپانیا

SNN Sport

ئەمڕۆ پێنجشەممە (30/7/2020) گرنگترین مانشێتی رۆژنامەکانی ئیسپانیا بەمشێوەیە بوو…

مارکا:

• تۆپی پێ لە زۆرترین وریاییدایە لە ئیسپانیا.
• لە یانەکانی سڤییا، زاراگۆزا و ئەلمیریا حاڵەتی نوێی تووشبوون بە ڤایرۆسی کۆرۆنا تۆمار دەکرێت دوای ئەوەی لە ریاڵ مەدرید ماریانۆ دیاز تووشبوو.
• ئیمۆبێلی هێرشبەری یانەی لازیۆ دەبێتە براوەی پێڵاوی زێڕین دوای ئەوەی توانی گۆڵی ژمارە 35 تۆمار بکات.
• بنزیمە:”من 4 نازناوی خولی یانە پاڵەوانەکان بەرامبەر بە یەک جامی جیهانی ناگۆڕمەوە”.
• بنزیمەی فەرەنسی نامەیەکی روون بۆ هەوادارانی دەنێرێت دوای ئەوەی پرسیاری لێ دەکەن.
• فیران تۆرێس بۆ 5 ساڵ گرێبەست لەگەڵ یانەی مانچستەرسیتی دەکات.

ئاس:

• زەنگی ئاگادارکردنەوەی ڤایرۆسی کۆرۆنا.
• سێ یانە( سڤییا، زاراگۆزا، ئەلمیریا) رایدەگەیەنن حاڵەتی نوێی کۆرۆنا تۆمار دەکرێت و یارییەکانی ئەوروپالیگیش تا ئێستا نازانرێت کەی دەکرێت و لە هەوادایە.
• کەریم بنزیمە:” ئەو 4 نازناوەی خولی یانە پاڵەوانەکان ناگۆڕمەوە بە جامی جیهانی”.
• یانەی ڤالنسیا فیران تۆرێس بە مانچستەرسیتی دەدات.
• یانەی ئاتلەتیکۆ مەدرید رێککەوتووە بۆ مانەوەی کاراسکۆی بەلجیکی.

سپۆرت:

• کیکی سیتین بەرەو تاقیکردنەوە.
• راهێنەرەکەی بەرشەلۆنە دەزانێت داهاتووی لە سەر پەتەو لە خولی یانە پاڵەوانەکان ئەگەر براوە بێت دەورێکی گرنگی دەبێت بۆ بەردەوامبوون لە یانەکە.
• یانەی بەرشەلۆنە پشتگیری بۆ ئەو راهێنەرە دووپاتکردووەتەوەو پەیوەندییان بە هیچ راهێنەرێکەوە نەکردووەو چاوەڕوانی کۆتایی ئەم وەرزەن.
• ڤایرۆسی کۆرۆنا لە تۆپی پێی ئیسپانیا دەدات و چەند یاریزانێک لە یانەکانی سڤییا، ئەلمیریا و زاراگۆزا تووش دەبن و لەوانەیە کاریگەری لەسەر پاڵەوانێتییەکان ببێت.
• لویس سوارێز هیچ نیازێکی نیە یانەی بەرشەلۆنە جێبهێڵێت.

مۆندۆ دیپۆرتیڤۆ:

• پلانی میسی.
• کیکی سیتین دەیەوێت ئەرکی  میسی لە خولی یانە پاڵەوانەکان سنووردار بکات و دەیەوێت  ئەو ئەرکەی لەسەر لاببات کە  تۆپ بە هاوڕێکانی بدات، ئەم راهێنەرە دەیەوێت کۆتا پاس لە لای ئەو بێت بۆ گۆڵکردن.
• راهێنەرەکە داوا دەکات تۆپ بە میسی بدرێت لە لایەن یاریزانانی هێڵی ناوەند تا زیاتر پشوو بە هێرشبەرەکان بدرێت.
• یانەی نانتی فەرەنسی 8 یاریزانی تووشی کۆرۆنا دەبێت.
• یانەکانی سڤییاو زاراگۆزاو ئەلمیریا رایدەگەیەنن حاڵەتی تووشبوون بە کۆرۆنا تۆمارکراوە لە یانەکانیان.