حکومەتی عێراق بە ڕەسمی ژمارەی کوژراوانی خۆپیشاندانەکانی دیاریکرد

SNN-

حکومەتی عیراق بە سەرۆکایەتیی مستەفا کازمی ئەمڕۆ پێنجشەممە ژمارەی ئەو کوژراوانەی بڵاوکردەوە کە لە خۆپیشاندانەکانی ئۆکتۆبەری رابردووەوە کوژراون.

هیشام داود راوێژکاری سەرۆکوەزیرانی عێراق ئاشکرایکرد “تا ئێستا 500 هاووڵاتی مەدەنی و کارمەندی هێزە ئەمنییەکان لە خۆپیشاندانەکاندا کوژراون”.

لە مانگی تشرینی یەکەمی ساڵی پارەوە ناڕەزایی و خۆپیشاندانی سەرتاسەریی عێراقی گرتەوە و کابینەی پێشووی بە سەرۆکایەتیی عادل عەبدولمەهدی لەکار خست.

هیشام داود وتیشی: “ئەو کوژراوانە هەموویان بە شەهید ئەژمار دەکرێن و لە داهاتوودا یاسایەکیان بۆ دەردەکرێت و لێکۆڵینەوەش لە هۆکاری کوژرانیان دەکرێت”.