بەشێک لە کارمەندانی تەندروستی لەبەردەم نەخۆشخانەی فریاکەوتن مانگرتنیان راگەیاند
مانگرتن
بەهۆی دواکەوتنی مووچەکانیانەوە کارمەندانی نەخۆشخانەی هەناوی شەهید دکتۆر هێمن لە بەردەم نەخۆشخانەی فریاکەوتنی سلێمانی گردبوونەوە و مانگرتنی خۆیان راگەیاند.
ئەبوبەکر مەجید، وەک کارمەندێکی تەندروستی بە SNN ی راگەیاند: یاداشتێکمان پێشکەش بە بەرێوەبەری نەخۆشخانەکە کردووە، داوامان کردووە کە دەبێت لەکاتی خۆیدا مووچە بدرێت، تا بتوانین بە شێوەیەکی رێک و پێک خزمەت بە کۆمەڵگا بکەین.
وتیشی” گەر بەمجۆرەی ئێستا مووچە دوابکەوێت و چارەسەری ئەم کێشیە نەکەن نەک تەنیا ژیانی ئێمە بەڵکو کاریگەری لەسەر ژیان و تەندروستی کۆمەڵگەش دەبێت، ئەم دۆخەی ئێستا کە تێیداین تووشی کارەساتمان دەکات، داوا لە دەسەڵات دەکەین بەزوترین کات ئەم کێشەیە چارەسەر بکات”.
