پارێزگاری بەیروت: زیانە ئابوورییەکانی تەقینەوەکە زۆر زیاترە لەوەی پێشبینیدەکرا

SNN

پارێزگاری بەیروت رایگەیاند: زیانە ئابوورییەکانی تەقینەوەکەی شاری بەیروت بە 10 بۆ 15 ملیار دەخەمڵێندرێت.

مەرواد عەبود پارێزگاری بەیروت لە لێدوانێکیدا بۆ میدیا عەرەبییەکان باسی لەوەشکرد: بەهۆی تەقینەوەکەی بەیروتەوە نزیکەی 300 هەزار هاووڵاتیی بێ ماڵ و حاڵ بوون.

زیانە ئابوورییەکانی تەقینەوەکەی لوبنان لە کاتێکدایە، وڵاتەکە پێشتریش دووچاری قەیرانی ئابووری بووە، بە گوێرەی راپۆرتێکی پەیمانگای بەرگری لە دیموکراتییەتی ئەمریکا، لوبنان پێویستی بە 93 ملیار دۆلار هەیە بۆ ئەوەی ئابوورییەکەی رزگاربکات.

رۆژی سێشەممە 4ی ئاب، تەقینەوەیەکی بەهێزی کۆگای نیتراتی ئەمۆنیۆم بەیروتی پایتەختی لوبنانی هەژاند کە 135 کەس گیانیانلەدەستدا و زیاتر لە 80 کەسیش بێسەروشوێنبوون لەگەڵ برینداربوونی 4000 کەسی دیکە لە رووداوەکە.

پێشتر بەرپرسانی لوبنان قەبارەی زیانە ئابوورییەکانیان بە پێنج ملیار دۆلار خەمڵاندبوو.