گرنگترین مانشێتی ئەمڕۆ یەکشەممە 9/8/2020ی رۆژنامە وەرزشییەکانی ئیسپانیا

SNN Sport

ئەمڕۆ یەکشەممە (9/8/2020) گرنگترین مانشێتی رۆژنامەکانی ئیسپانیا بەمشێوەیە بوو…

مۆندۆ دیپۆرتیڤۆ:

• میسی دەمانگەیەنێتە شاری لیشبوونەی پۆرتوگالی.
• یانەی بەرشەلۆنە کۆتایی بە ناپۆلی دەهێنێت و 3-1 یاریەکەی لێ دەباتەوەو خۆی دەگەیەنێتە یانەی بایرن میونخ لە هەینی داهاتوو.
• میسی گۆڵێک دەکات و گۆڵێکیشی رەتدەکرێتەوە، لێدانێکی سزاش دروست دەکات و لینگلێت و سوارێز کۆتایی بە گشت گۆڵەکان دەهێنن.

مارکا:

• میسی دەیانبات بۆ لیشبوونە.
• سەرکردەکەی یانەی بەرشەلۆنە یاریزانێکی سەرەکی بوو لە تیپەکەی کیکی سیتین و  توانی گۆڵێک بکات و گۆڵێکی بە لێدانی سزا دروستکردوو توانیان 3-1 لە یانەی ناپۆلی ببەنەوەو بۆ چارەگی کۆتایی سەرکەوتن.
• لەگەڵ زیدان و گرێبەستەکان، هاندەران رەزامەندی نیشان دەدەن بە مانەوەی زیدان و داوای بەهێزکردنی هێڵی هێرشبردن دەکەن.

ئاس:

• شەوێک کە هەموو وانەکانی تێدا بوو.
• زیدان بڕیاری چاوەڕوان نەکراو لە یاری بەرامبەر بە یانەی مانچستەرسیتی دەدات.
• بەشداریکردنی هازارد سەرەڕای ئەوەی  بە تەواوی ئامادە نەبوو، هەروەها یاریکردنی یۆڤیچ لەسەر حسابی ڤینسیۆس.
• یانەی ریاڵ مەدرید نەیتوانی بەسەر فشارە زۆرەکانی یانەی مانچستەرسیتی بکەوێت، کە بەهۆیەوە بووە هۆکاری هەڵەکانی ڤاران.
• یانەکە هێزی خۆی لە دەستدابوو، ڤاڵڤێردی لە خولەکی 83 هاتە یاریگاوە.

سپۆرت:

• چارەگی کۆتایی.
• یانەی بەرشەلۆنە کۆتایی بە ناپۆلی دەهێنێت و بۆ چارەگی کۆتایی سەردەکەوێت و رووبەڕووی بایرن میونخ دەبێتەوە.
• بایرن میونخ 4-1 لە یانەی چێڵسی دەباتەوەو بۆ قۆناغی داهاتوو سەردەکەوێت.
• داهاتووی زیدان لە هەوادایە.