کاروانێکی سوپای ئەمریکا لەسەر سنووری عێراق – کوێت کرایە ئامانج

SNN-

ئاژانسی هەواڵی رۆیتەرز بڵاویکردەوە تەقینەوەی بۆمبێکی چێنراو لە نزیک دەروازەی جریشان لەسەر سنووری نێوان عێراق و کوێت کاروانێکی سوپای ئەمریکای کردۆتە ئامانج.

کاروانی هێزەکانی ئەمریکا ئەمشەوی رابردوو بە ئامانج گیراوە و کەلوپەلی سەربازی گواستۆتەوە و تا ئێستاش روون نییە زیانی گیانی هەبووە یاخود نا.

سەرچاوەیەکی سوپای عێراق بە رۆیتەرزی راگەیاندووە کە سوپای ئەمریکا بۆ پارێزگاریی لە کاروان و بارهەڵگرەکانی خۆی گرێبەستی لەگەڵ کۆمپانیای کەرتی تایبەت هەیە بۆ پاسەوانی.

رۆژانە سوپای ئەمریکا لەسەر سنووری نێوان عێراق و ئەمریکا کەلوپەل و پارچەی یەدەگ و کەرەستەی سەربازیی خۆی ئاڵوگۆڕ دەکات لەسەر سنوورەکە لە کوێتەوە بۆ عێراق و بە پێچەوانەشەوە.

دوای رووداوەکە تەحسین خەفاجی وتەبێژی رەسمیی ئۆپراسیۆنە هاوبەشەکانی عێراق رەتیکردەوە هیچ کردەیەکی تێکدەریی لەسەر سنووری نێوان عێراق و کوێت روویدابێت لە نزیک ناوچەی جریشان.