لێدوانی سەرۆکی بەرشەلۆنە لەسەر شکستە گەورەکەی بەرامبەر بە بایرن میونخ
بارتۆمیۆی سەرۆکی بەرشەلۆنە
SNN Sport
لە چارەگی کۆتایی خولی یانە پاڵەوانەکانی ئەوروپا، یانەی بایرن میونخی ئەڵمانی بە هەشت گۆڵ بەرامبەر بە دوو گۆڵ توانی لە یانەی بەرشەلۆنە بباتەوەو تووشی شکستێکی مێژوویی کرد.
لە لێدوانێکیدا سەرۆکی یانەی بەرشەلۆنە بارتۆمیۆ، دوای دۆڕانی یانەکەی بە بایرن میونخ وتی:” دۆڕانەکە کوشندە بوو،ئەمڕۆ ئەو یانەیە نەبووین کە پێی دەناسرێین و نوێنەرایەتیمان دەکات،من داوای لێبووردن لە راهێنەر و یاریزانەکان و هاندەران دەکەم، شەوێکی قورسە”.
دواتر وتی:” لە رۆژانی داهاتوو چەند بڕیارێکی گرنگ دەدەین،قسەکانی پیکێ راستن و من کۆکم لەگەڵی،دەبێت بڕیار بدەین، لەسەر سیتین هیچ شتێک ناڵێم، ئێستا کاتێکە تەنیا دەبێت بیر بکەینەوە، لە پێناو بڕیارێكی دروست لە بەرژەوەندی یانەکە و لە هەفتەی داهاتوو بڕیارەکان دەدەین”.
لە کۆتایدا وتی:” پیرۆزبایی لە یانەی بایرن میونخ دەکەم و داوای لێبووردن لە هاندەرانی بەرشەلۆنە و ئەندامانی یانەکەو کۆمپانیاکانی سپۆنسەری یانەکەو هەموان دەکەم”.
