لە عێراق 3757 کەسی دیکە تووشی کۆرۆنا بوون
کۆرۆنا لەعیراق
SNN
وه‌زاره‌تی ته‌ندروستیی عێراق ئاماری 24 كاتژمێری رابردووی تووشبوون، مردن و چاكبوونه‌وه‌ی كۆرۆنای بڵاوکردەوە و بەگوێرەی راگەیەنراوەکەیان، 83 کەسی دیکە لەو ماوەیەدا بە کۆرۆنا مردوون.
به‌گوێره‌ی راگه‌یه‌ندراوه‌كه‌ی وه‌زاره‌تی ته‌ندروستیی عێراق، له‌ماوه‌ی 24 كاتژمێری رابردوودا پشكنین بۆ 18 هه‌زار 578 كه‌س ئه‌نجامدراوه و تووشبوونی 3 هه‌زار و 757 كه‌سی دیكه به په‌تاكه پشتڕاست كرایه‌وه.
وه‌ك له‌راگه‌یه‌ندراوه‌كه‌دا هاتووه، له‌ماوه‌ی شه‌و و رۆژێكدا 83 كه‌سیش به‌هۆی په‌تاكه گیانیان له‌ده‌ستداوه و 3هه‌زار و 722 حاڵه‌تی چاكبوونه‌وه‌ش راگه‌یه‌ندراوه.
کۆی ژمارەی تووشبووان لەعێراق بە ڤایرۆسی کۆرۆنا، تا ئەمڕۆ گه‌یشتۆته 234 هه‌زار و 934 حاڵه‌ت، له‌و ژماره‌یه‌ش 7 هه‌زار و 42 كه‌س به‌هۆی ڤایرۆسه‌كه‌وه گیانیان له‌ده‌ستداوه و 176 هه‌زار و 602 كه‌سیش به‌ته‌واوی چاكبوونه‌ته‌وه 51 هه‌زار و 290 كه‌سیش له نه‌خۆشخانه‌كان له‌ژێر چاودێری پزیشكیدان.
