سەرۆکی یانەی لیۆن راستی رۆشتنی دیپای بۆ بەرشەلۆنە ئاشکرا دەکات
سەرۆکی لیۆن و دیپای
SNN Sport
دوای ئەوەی ئەمڕۆ رۆژنامەکانی ئیسپانیا رێککەوتنی هەردوو یانەی بەرشەلۆنە و لیۆن-یان بۆ رۆشتنی هێرشبەری ئەو یانەیە ممفیس دیپای بۆ یانەی بەرشەلۆنە بڵاوکردەوە، سەرۆکی یانەی لیۆن رەتیدەکاتەوە.
میشێل ئۆلاس سەرۆکی یانەی لیۆن لە پێگەی خۆی لە تویتەر دەڵێت:” بەیانی رۆژی یەکشەممە بارتۆمیۆی سەرۆکی یانەی بەرشەلۆنە پێی وتووم کە یانەکەیان پارەی پێویستیان لە بەردەست نیە بۆ ئەوەی گرێبەست پێشکەشی دیپای بکات، ئەمەش بەهۆی قەیرانی ڤایرۆسی کۆرۆنا کە رووبەڕووی یانە کەتەلۆنیەکە و گشت یانەکانی ئەوروپا بووەتەوە”.
بە قسەی رۆژنامەکان گواستنەوەی دیپای بۆ یانەی بەرشەلۆنە 30 ملیۆن یۆرۆی تێدەچێت، یانەی بەرشەلۆنە لەسەر داوای رۆناڵد کومان دەیەوێت ئەو یاریزانە بۆ شوێنی لویس سوارێز بگوازێتەوە، کە هێرشبەرە ئۆرۆگواییەکە نزیکە لە جێهێشتنی یانەی بەرشەلۆنە لە گواستنەوەکانی ئەم هاوینە.
Memphis kost Barcelona 30 miljoen euro | Voetbal | https://t.co/ENn92q9lkf @ol @Le_Progres Le président du Barça m’a indiqué dès dimanche que le Barça souffrait beaucoup d la crise du Covid et n’avait pas de possibilité de faire une offre.#memphis https://t.co/R1eGdE276j
— Jean-Michel AULAS (@JM_Aulas) September 15, 2020
