سیمیدۆ ماڵئاوایی لە بەرشەلۆنە دەکات

SNN Sport

یانەی بەرشەلۆنە نزیکبووەتەوە لە فرۆشتنی یاریزانێكی تری و لە رۆژانی داهاتوو بە فەرمی سیمیدۆی پۆرتوگالیش دەفرۆشێت.

میدیاکانی بەریتانیا و ئیسپانیا بڵاویانکردووەتەوە، یانەی بەرشەلۆنە رازیبووە نیلسۆن سیمیدۆ پەیوەندی بەیانەی وڵڤەرهامپتۆنی ئینگلیزی بکات و لە ئێستادا گرێبەستەکە نزیکبووەتەوە لە تەواوبوون.

بە پێی زانیاری رۆژنامە ئیسپانییەکان، کومان بە باشی دەزانێت لە لای راستی یاریگا یاری بە سێرجی رۆبێرتۆ بکات و سیمیدۆ بفرۆشێت، ئەم راهێنەرە یاریزانە پۆرتوگالیەکەی لە پلانەکانی بۆ وەرزی نوێ دورخستووەتەوە.

ئەمە لە کاتێکدایە رۆژی شەممە کومان ریکی پویگیشی ئاگادارکردەوە تا یانەکە جێبهێڵێت و یانەیەکی تر بۆ خۆی بدۆزێتەوە.