بەستنی ماسک لە هەندێک شوێنی ئێراندا کرایە ناچاری

SNN

حەسەن رۆحانی سەرۆک کۆماری ئێران رایگەیاند، لە تارانی پایتەختی ئێران و ناوچەو شارە قەرەباڵغەکان بەستنی ماسک دەبێتە ناچاریی و هەر کەسێک پابەند نەبێت سزا دەدرێت.

ئەم فەرمانەی رۆحانی کاتێک دێت رۆژانە نزیکەی 200 کەس لە ئێران بە کۆرۆنا دەمرن و چەند رۆژێک لەمەوبەر بە تۆمارکردنی 239 مردن لە رۆژێکدا ئاستی پێوانەیی تۆمار کرا، تاوەکو ئێستا 28 هەزار و 293 کەس لە ئێران بەهۆی کۆرۆناوە گیانیان لەدەستداوە و رۆژانەش نزیکەی چوار هەزار حاڵەتی نوێ تۆمار دەکرێت.