گەڕانەوەی هازارد بۆ کلاسیکۆ قورس بووە

SNN Sport

رۆژنامەی مۆندۆ دیپۆرتیڤۆ ئەمڕۆ بڵاویکردووەتەوە، گەڕانەوەی ئیدن هازاردی بەلجیکی و ئەستێرەی یانەی ریاڵ مەدرید بۆ یاری کلاسیکۆی هەفتەی حەوتەمی لالیگا بەرامبەر بە یانەی بەرشەلۆنە قورس بووە.

یاری کلاسیکۆی نێوان بەرشەلۆنەو ریاڵ مەدرید لە 24/10/2020 یان25 لە یاریگای کامپ نۆ ئەنجام دەدرێت و یاریەکە لە هەفتەی حەوتەمی خولەکەیە.

بە پێی زانیاری رۆژنامەکە ، ئەم یاریزانە پێشبڕکێ لەگەڵ کات دەکات لە پێناو ئامادەبوونی لە کلاسیکۆ، بەڵام قورسە ئەم یاریزانە لەم کاتە بگەڕێتەوە، بەڵام هەموو شتێک  پشت بە چاکبوونەوەی خێرای پێکانی ئەو یاریزانەیە، بۆ ئامادەبوون لە یاریەکە.

ئیدن هازارد لە ئێستادا چارەسەری وەردەگرێت و  زیدان لە شوێنەکەی یاری بە ڤینسیۆس جۆنیۆر دەکات، کە ئەم ئەستێرە لاوە بەرازیلییە بە ئاستێکی بەرزەوە دەرکەوتووە.

لە یانەی ریاڵ مەدرید لە ئێستادا  بێجگە لە هازارد، ئۆدۆریزۆلا، ماریانۆ دیاز، تیبۆ کۆرتواو میلیتاو پێکانیان هەیەو چارەسەری وەردەگرن.