ڤیدیۆ:ئەلاڤێس بە 10 یاریزانەوە بەرشەلۆنە بە یەکسانبوون ناچار دەکات

SNN Sport

لە خولی ئیسپانیا و لە هەفتەی هەشتەم، یانەی بەرشەلۆنە دوو خاڵی تری لە دەستداو نەیتوانی لە یانەی ئەلاڤێس بباتەوەو 1-1 یەکسانبوو.

یاریەکە لە ناو یاریگای ئەلاڤێس ئەنجامدرا، سەرەتا لە خولەکی31 یانەی ئەلاڤێس گۆڵی پێشکەوتنی لە لایەن لویس رۆخا کردوو گێمی یەکەم بەم تاکە گۆڵە تەواو بوو.

لە گێمی دووەم یانەی ئەلاڤێس لە خولەکی 62جۆتای بە کارتی سوور کرایە دەرەوە، دوو خولەک دوای ئەم کارتە سوورە، گریزمان سوودی لە هەڵەیەکی بەرگریکارانی یانەی ئەلاڤێس بینی و توانی گۆڵی یەکسانبوونەوە بکاتەوە.

دواتر بەرشەلۆنە بە تەواوی دەستی بە سەر یاریەکە گرتبوو، چەندین مەترسی دروستکردوو نزیکبوو گۆڵی بردنەوە بکات، بەڵام سەرکەوتوو نەبوو، لە کۆتایدا یاریەکە بە گۆڵێک بۆ هەر لایەکیان کۆتایی هات و هەریەکەو خاڵێکی ئەم هەفتەی خولەکەیان پێبڕا.

بەم یەکسانبوونە بەرشەلۆنە خاڵەکانی لە 6 یاریدا بووە 8 خاڵ، لە پلەی 12ی ریزبەندی دەبینرێت.

هەرچی یانەی ئەلاڤێسە، بە هەمان خاڵ لە پلەی نۆیەم دەبینرێت.