رێبەری باڵای شۆڕشی ئیسلامی ئێران “گرنگی بەهەڵبژاردنەكانی ئەمریكا نادەین”
عەلی خامنەیی
SNN
عەلی خامنەیی، رێبەری باڵای کۆماری ئیسلامی ئێران رایگەیاند: ئەوان هیچ پەیوەندیان بە هەڵبژاردنی سەرۆکی ویلایەتە یەکگرتوەکانی ئەمریکاوە نییە و گۆڕینی ناوی سەرۆکەکانی ئەمریکا بۆ ئەوان گرنگ نیە.
دەربارەی هەڵبژاردنەکانی ئەمڕۆی ئەمریکا خامنەیی وتی “ئەمریکا هەمان فیرعەونی میسرە، ستەمکارانە سەرقاڵی ئەوەیە شەڕ لە وڵاتانی دیکە دروستبکات و دەستیان بەسەردا دەگرێت، هیچ پەیوەندییەکمان بە هەڵبژاردنی سەرۆکی ویلایەتە یەکگرتووەکانی ئەمریکاوە نییە و گۆڕینی ناوی سەرۆکەکانی ئەمریکا بۆ ئەوان گرنگ نیە و بۆ ئەوان جیاوازی نیە”
لە بەشێکی دیکەی قسەکانیدا وتی “فەڕەنسا پڕوپاگەندەی مافی مرۆڤ و ئازادی دەکات، هەر ئەم دەوڵەتە بو کە یارمەتی خوێنڕێژێک وەک سەدامی دا و فڕۆکەی بۆ دابین دەکرد لە شەڕی ئێران و عێراقدا”.
