قاسم سلێمانی لە یەکەم دیداری لەگەڵمان 22 ملیۆن دۆلاری پێبەخشین

SNN

مەحمود زەهار، فەرماندەی باڵای جوڵانەوەی حەماس لە فەلەستین، رایگەیاند: لە یەکەم چاوپێکەوتنمان لەگەڵ قاسم سلێمانی فەرماندەی باڵای سوپای قودسی ئێران، لە ساڵی 2006دا بڕی 22 ملیۆن دۆلاری وەک هاوکاری بەخشی بە حەماس.

زەهار بە تەلەفیزیۆنی “العالم”ی ئێرانی راگەیاند: کاتێک دەستبەکاربووم وەک وەزیری دەرەوەی حەماس، سەردانی ئەحمەدی ئەنجاد سەرۆککۆماری پێشووی ئێرانم کردو داوایی هاوکاری زیاترم کرد بۆ جوڵانەوەکەمان، ئەحمەدی نەجاتیش لە بەرامبەردا قاسم سلێمانی ناردە لامان تا هاوکاری دارایی و سەربازی و سیاسیمان بکات.

لای خۆشیانەوە سەرکردە باڵاکانی ئێران و بەتایبەت سوپای پاسداران ئەوە ناشارنەوە کە هاووکارییە دارایی و سەربازییەکانیان بۆ جوڵانەوەی حەماس لە فەلەستین بەردەوامە لە بەردەوامبن لە بەرهەڵستیکردنی ئیسڕائیل و جووڵانەوەکانیان لە ناوچەکەدا.

مەحمود زەهار، فەرماندەی باڵای جوڵانەوەی حەماس