یانەی بەرشەلۆنە گورزێکی کاریگەری بەرکەوت

SNN Sport

یانەی بەرشەلۆنەی ئیسپانی گورزێکی کاریگەری بەردەکەوێت و کۆتینیۆی ئەستێرەی هێڵی ناوەندی یانەکەی بۆ ماوەیەکی زۆر لە دەست دەدات.

کۆتینیۆ لە یاری شەوی رابردووی ئیبار کە یاریەکە 1-1 کۆتایی هاتوو لە هەفتەی 16ی لالیگا بوو، تووشی پێکان هاتوو بەوهۆیەوە نەیتوانی یاریەکە تەواو بکات.

ئەمڕۆ رۆژنامەی ئاس بڵاویکردووەتەوە، کۆتینیۆ لە ئەژنۆی چەپیدا تووشی پێکان بووە و بەوهۆیەوە دەبێت نەشتەگەری بۆ بکرێت و بە وەرگرتنی چارەسەر لەو پێکانە چاکنابێتەوە.

کۆتینیۆ لە گواستنەوەکانی زستانەی ساڵی 2018 لە یانەی لیڤەرپوڵی ئینگلیزییەوە بە بڕی 120 ملیۆن یۆرۆی تەواو لەگەڵ 40 ملیۆن یۆرۆی تر لە کاتی گۆڕانکارییەکان، پەیوەندی بە یانەی بەرشەلۆنەوە کرد،هەرچەندە ئەم وەرزە کومان بڕیاریدا بە سەرەکی پشتی پێببەستێت، بەڵام بەهۆی ئەم پێکانەوە کاریگەرەوە لە رێژەیەکی زۆر لە یارییەکانی داهاتووی یانەکەی بێبەش دەبێت.