بیتکۆین نرخێکی مێژوویی تۆمارکرد
بازرگانی و دراوی ئەلیکترۆنی
SNN
دراوى ئەلیکترۆنى بتکۆین گەیشتە بەرزترین نرخى لە مێژووى خۆیدا و یەک بیتکۆین بە زیاتر لە 30 هەزار دۆلار مامەڵەى پێوە دەکرێت.
میدیا جیهانییەکان بڵاویانکردەوە، نرخى بتکۆین بەرزبوونەوەى زیاترى بەخۆیەوە بینیوە و 8%ى نرخەکەى زیادى کردووە، بەجۆرێک نرخى یەک بیتکۆین گەیشتووەتە سەروو 30 هەزار دۆلارى ئەمریکى، ئەوەش بەرزترین نرخە تائێستا ئەو پارە ئەلکترۆنیە بەخۆیەوە بینیویەتى.
ئاماژەش بەوەدەکرێت ئێوارەى ئەمڕۆ نرخى بتکۆین 2.5%ى تر بەرزبوەتەوە و گەیشتوەتە 30 هەزار و 94 دۆلار.
بازاڕى دراوه ئەلیكترۆنییهكانی یهكێك لهو رووكاره بزنسییانهى لهسهر ئاستى جیهان بووەته جێگاى باس، زۆرێك له وڵاتانى جیهانى ئهم بازرگانیكردنه له پاشهكشێدایه و به ماده و یاساى جیاواز قهدهغه كراوه، ژینگهى ئهم دراوه ئەلیكترۆنییانه كارى تێدا دهكهن ژینگهیهكى ههژارنشینن و ههمیشه ئهو كهسانهیان كردۆته ئامانج لهو بوارهدا زانیارییان كهمه و دهیانهوێت لهو ڕێگایهوه قازانجێكى زۆر كۆبكهنهوه
