دارایی عێراق چەند رێکارێک لەبارەی نرخی دینارەوە دەگرێتەبەر
دراوى عێراقى و دۆلارى ئهمریكى | فۆتۆ: Charles Wollertz
SNN
وەزارەتی دارایی عێراق رایگەیاند چەند رێکارێک بۆ دروستکردنی کاریگەری ئەرێنی دابەزینی نرخی دیناری عێراقی بەرامبەر بە دۆلار دەگرینەبەر.
له راگهیهنراوێكدا، ئەمڕۆ هەینى وەزارەتی دارایی عێراق بڵاوىکردەوە، ئاماژە بەوەکراوە: دەستمانکردووە بە گرتنەبەری چەند رێکارێک لەبارەی دابەزینی نرخی دینار بەڵام ئەو رێکارانە بە شێوەیەکی ئاشکرا ناگرینەبەر.
لە راگەیەندراوەکەدا هاتووە: وەزارەتی دارایی لەم چەند هەفتەیەی دواییدا گفتوگۆی فراوانی لەگەڵ زۆرێک لە حزبەکانی بەشدار لە حکومەت و دەرەوەی حکومەت کردووە تایبەت بە دابەزاندنی بەهای دیناری عێراقی بەرامبەر بە دۆلاری ئەمریکی.
جهختیشیكردوهتهوه، هەفتەى داهاتوو ئەو گفتوگۆ و کۆبوونەوانە بەردەوام دەبن لەگەڵ کەسانی ئابووری لە کەرتی گشتی و تایبەت و وەزارەتی دارایش بەرنامەیەکی هەیە بۆ زیادکردنی سود و قازانج لە گۆڕانکاری دۆلار.
