گرنگترین مانشێتی ئەمڕۆ شەممە 9/1/2021ی رۆژنامە وەرزشییەکانی ئیسپانیا

SNN Sport

ئەمڕۆ  شەممە (9/1/2021) گرنگترین مانشێتی رۆژنامەکانی ئیسپانیا بەمشێوەیە بوو…

سپۆرت:

• سێ بردنەوە.
• یانەی بەرشەلۆنە بە شوێنی سێیەم بردنەوەی لەسەریەک دەگەڕێت، ئەمەش بۆ گەڕانەوە بۆ جەنگی لالیگا.
• مینگوێز تەنیا یاریزانی نوێ دەبێت و یانەکە لەسەر جادووی پیدری و میسی بۆ داگیرکردنی گرانادا یاری دەکەن.
• کومان:”ئەگەر ئێمە خولی ئیسپانیامان دەوێت چیتر نابێت خاڵەکان بە فیڕۆ بدەین”.
• ڤیکتۆر فۆینت پاڵێوراو بۆ سەرۆکایەتی بەرشەلۆنە:”بۆ بنیاتنانی داهاتوو ناتوانین بگەڕێینەوە بۆ ساڵی 2003.
• یانەی ریاڵ مەدرید بە زەحمەت توانی سەفەری ئۆساسۆنا بکات، ئەمەش بەهۆی بەفر بارینەوە و مەترسی وەستانی خولەکە هەیە.
• لە جامی شا یانەی بەرشەلۆنە رووبەڕووی کۆرنێلا دەبێتەوە.

مارکا:

• بێسەروبەری.
• بەفربارین لە مەدرید زیان دروست دەکات و هەڕەشەی ئەنجامنەدانی یارییەکانی ئەم هەفتەی خولەکە دەکات.
• یانەی ریاڵ مەدرید 4 کاتژمێر لە فڕۆکە مایەوە لە فڕۆکەخانەی پاراخاس و ئاتلەتیک بیلباو بەهۆی ئەوەی نەیتوانی لە مەدرید دابەزێت، گەڕایەوە بۆ شوێنی خۆی.
• یانەی ڤیاریاڵ فێستیڤاڵی گۆڵکردنی لە 30 خولەک ئەنجامداو توانی 4-0 لە یانەی سەلتاڤیگۆ بباتەوە.
• کۆرنێلا و کۆیانۆ رووبەڕووی بەرشەلۆنە و ریاڵ مەدرید بوونەوە لە جامی شا.
• موسا دیمبلی بە تەواوی نزیکبووەتەوە بۆ واژووکردن لەگەڵ یانەی ئاتلەتیکۆمەدرید.

ئاس:

• گەردەلوولی فیلۆمینا لالیگا دەبەستێت.
• یانەی ریاڵ مەدرید و زیدان گەیشتنە پامپلۆنا لە نیوە شەودا، یانەکە توڕەیە چونکە ماوەی 4 کاتژمێر لە نێو فڕۆکە مانەوە.
• ئەگەری ئەوە هەیە یاریەکە دوابخرێت ئەگەر یاریگا نەشیاو بوو بۆ یاریکردن.
• ئەمڕۆ پێشبینی دەکرێت بەفر لە ناڤارا ببارێت.
• بەرشەلۆنە تاقیکردنەوەیەکی گەورە دەکات دژی گرانادا لە پێناو مانەوە لە ناوچەی گەیشتن بە خولی یانە پاڵەوانەکان.
• ئەگەری راگیرانی یاری ئاتلەتیکۆمەدرید و بیلباو هەیە، ئەمەش بەهۆی ئەوەی یانەی بیلباو نەیانتوانی لە مەدرید بنیشنەوەو گەڕانەوە.

مۆندۆ دیپۆرتیڤۆ:

• بە مۆڵەتی گەردەلوولی فیلۆمینا.
• یانەی بەرشەلۆنە دەیەوێت سێیەم بردنەوەی لەسەریەک دژی گرانادا بە دەست بهێنێت بۆ مانەوە لە کێبڕکێی لالیگا.
• کومان:”یاریزانێکی لاو ناتوانێت ساڵێک بە بێ یاریکردن بمێنێتەوە”.
• یانەی ریاڵ مەدرید پاش 4کاتژمێر مانەوە لە فڕۆکە گەشتی کردوو فڕۆکەی بیلباویش نەیتوانی لە مەدرید بنیشێتەوە بۆ یاری ئاتلەتیکۆمەدرید.
• کۆرنێڵا و کۆیانۆ رکابەری بەرشەلۆنە وریاڵ مەدریدن لە جامی شا.