فڕۆکەیەکی هێڵی ئیندۆنیسی دوای فڕینی لەفڕۆکەخانە لە رادار وندەبێت

SNN

فڕۆکەیەکی هێڵی فڕۆکەوانیی ئیندۆنیسیا دوای فڕینی لە فڕۆکەخانە، لە بەردەم شاشەکانی چاودێری وندەبێت کە بەنیاز بووە گەشتێکی ناوخۆیی ئەنجام بدات.

میدیای ئیندۆنیسیا بڵاویکردووەتەوە کە ئەمڕۆ شەممە لە فڕۆکەخانەی جاکارتا فڕۆکەیەکی هێڵی ئاسمانیی سریۆویجایا دوای رفینی لە فڕۆکەخانە لەبەرچاو ونبووە.

بەپێی میدیا رەسمییەکانی جاکارتا، فڕۆکەکە بە نیاز بووە گەشتێکی ناوخۆیی ئەنجامدات لە جاکارتای پایتەختەوە بۆ هەرێمی کالیمانتان-ی خۆرئاوا.

ئیدارەی کۆمپانیای هێڵی فڕۆکەوانیی سریۆویجایا لە بەیاننامەیەکدا رایگەیاندووە “لە هەوڵی کۆکردنەوەی زانیاریدان لەبارەی رووداوەکە و هێشتا هیچ زانیارییەک نییە لە بارەی چارەنووسی فڕۆکەکەوە”.

هاوکات وەزارەتی گواستنەوەی ئیندۆنیسیا دەڵێت: “هەموو ئامادەکارییەکیان دەستپێکردووە بۆ رزگار کردنی فڕۆکەکە لە تێکشکان و ئەگەری کەوتنەوەی قربانی”.

کەمێک پێش ئێستاش تەلەڤزیۆنی میترۆ تیڤی نووسیبووی کە فڕۆکەکە زیاتر لە 50 سەرنشینی هەڵگرتووە و جۆرەکەشی (بۆینگ – 737- 500)یە.