کەی کۆرۆنا کۆتایی دێت؟ شارەزایەکی ئەمریکی وەڵام دەداتەوە

SNN

مارتی مکاری لە زانکۆی جۆنز هۆببکینز کە شارەزای بوارەکانی ڤایرۆس و شێوازی سوڕی ژیانیانە دەڵێت: رۆژنانە چەندین پرسیارم ئاراستە دەکرێت بۆ ئەوەی بزانرێت کەی کۆرۆنا لە ئەمریکا بە شێوەیەکی گشتی و لە جیهان بەشێوەیەکی تایبەتی کۆتایی دێت.

مکاری لە راپۆرتێکدا کە پێشکەشی گۆڤاری “وڵ ستریت جۆرناڵ”ی کردووە تێیدا یاماژە بەوە دەکات کە پێشبینی دەکرێت لە کۆتاییەکانی مانگی نیسان بۆ ئایار کۆرۆنا لە ئەمریکا بەرەو کۆتایی بوون بڕوات.

هەروەها ئەوەش رووندەکاتەوە کە لە مانگی کانوونی دووەمی ئەمساڵ تا شوبات رێژەی تووشبوون بە کۆرۆنا لە ئەمریکا %77 کەمی کردووە، وا پێشبینی دەکرێت بۆ دوومانگی داهاتوو تووشبووانی کۆرۆنا بەشێوەیەکی بەرچاو کەمببێتەوە، بەشی هەرە زۆری تووشبووانی کۆرۆنا ئێستا لە ئەمریکا نیشانەکانیان بەشێوەی زۆر ئاسان تێدا دەردەکەوێت و لە ماوەیەکی زۆر کەمدا چاکدەبنەوە، لەکاتی ئێستادا لە ئەمریکا 28 ملیۆن تووشبوو هەیە بۆیە وا پێشبینی دەکرێت بۆ بەهاری ئەمساڵ لە ئەمریکا بەرگری جەستەی کۆمەڵایەتی بەرامبەر ڤایرۆسەکە دروستببێت.

هەروەها ئەتۆنی فاوچی گەورە پزیشی نەخۆشییە گوازراوەکان ئەمریکا، پێشتر لە چاوپێکەوتنێکیدا ئەوەی روونکردەوە کە بۆ پایزی 2021 ژیان لە ئەمریکا ئاسایی دەبێتەوە و مەترسی کۆرۆنا نامێنێت، هەروەها ئەوەشی روونکردەوە کە لە هاوین بۆ پایزی ئەمساڵ کۆرۆنا لە ئەوروپا ئاسایی ببێتەوە و هەمان پێشبینیش بۆ جیهان دەکات.