ئەمڕۆ ڤاکسینی کۆرۆنا دەگاتە عێراق
بەکارهێنانی ڤاکسین
SNN
وەزارەتی تەندروستی عێراق رایگەیاند: ئەمڕۆ ڤاکسینی دژ بە کۆرۆنا کە لە دروستکراوی چینە دەگاتە عێراق.
سەیف بەدر، وتەبێژی وەزارەتی تەندروستی عێراق بە میدیاکانی راگەیاند: ئەگەرچی بڕیاروابوو هەینی ڤاکسینی کۆرۆنا بگاتە وڵات، بەڵام دواکەوت.
پێشتر حەسەن تەمیمی وەزیری تەندروستی عێراق رایگەیاندبوو: “یەکەم وەجبەی ڤاکسینی کۆرۆنا پێکهاتووە لە سێ ملیۆن ژەمە ڤاکسین”.
ئاماژەی بەوەشکردووە: دابەشکردنی ڤاکسینەکە بەسەر هاووڵاتیاندا بە گوێرەی ئەوەلیاتێک دەبێت کە سەرەتا بەسەر تیمە تەندروستییەکاندا دابەشدەکرێت.
وتیشی: تەواوی ئەو ڤاکسینەی کە بە گوێرەی گرێبەستەکان دەگاتە عێراق بەشی 20%ی دانیشتوانی عێراق دەکات کە بڕەکەی هەشت ملیۆن ژەمە ڤاکسینە.
