ژمارهی قوربانیانی تهقینهوهكهی بهغدا بهرزبووەوە
SNN
شانەی راگەياندنی ئەمنی عێراق بڵاويکردەوە: “لە تەقينەوەکەی دوێنێ شەوی بەغدا، هاوڵاتييەک گيانی لەدەستداوە و زياتر لە 10 کەسيش برينداربوون”، مستەفا کازميش هێزە ئەمنييەکانی راسپارد کەمتەرخەمی نەنوێنن.
ئەمڕۆ سێشەممە شانەی راگەياندنی ئەمنی عێراق رايگەياند: “بەهۆی تەقينەوەکەی دوێنێ شەوی بەغدا لەسەر پردی (الائیمه)ی نێوان ناوچهی كازمیه و ئهعزهمیه ژنێک بەهۆی سەختی برينەکەيەوە گيانی لەدەستداوە و سێ کەسيش نەشتەرگەری بەپەلەيان بۆ کراوە”.
ئاماژەی بەوەشکرد: “بەشیک لە بريندارەکان برينەکانيان سوک بووە و دوای چارەسەری پێويست نەخۆشخانەيان جێهێشتووە”.
هاوکات، بەپێی راگەيەندراوی نوسينگەی سەرۆک وەزيران، ئهمڕۆ مستهفا كازمی فهرماندهی گشتی هێزه چهكدارهكانی عێراق بهئامادهبونی وهزیری ناوخۆ و جێگری فهرماندهی ئۆپراسیۆنه هاوبهشهكان و فهرماندهی ئۆپراسیۆنهكانی بهغدا و ژمارهیهك ئهفسهرانی سهربازی سهرپهرشتی كۆبونهوهیهكی بهپهلهی كرد و هێزە ئەمنييەکانی راسپارد کەمتەرخەمی نەنوێنن.
شەوی رابردوو یهحیا رهسوڵ وتهبێژی فهرماندهی گشتی هێزه چهكدارهكانی عێراق رایگهیاند: “نارنجۆكێكی دهستی لەناو تەنەکە خۆڵێکدا تهقیوهتهوه لهسهر پردی “الائمه” کە ناوچەی كازمیه و ئهعزهمیه لە بەغدا بەيەکەوە دەبەستێتەوە، تەقينەوەکە لە نزیک سەردانیکەرانی ئیمام موسای کازمی بووە”.
