پەرلەمانی کوردستان بە بەشداری ژمارەيەک بەرپرس کۆدەبێتەوە

SNN

ئەمڕۆ پەرلەمانی کوردستان کۆدەبێتەوە و بە بەشداری ژمارەيەک بەرپرس و وەزير کیشە و گرفتەکانی پارێزگای هەڵەبجە تاوتوێ دەکات.

بەپێی راگەيەندراوی پەرلەمانی کوردستان: “ئەمڕۆ کاتژمێر 11 پەرلەمان کۆدەبێتەوە و تەوەری کۆبونەوەکەش گفتوگۆکردن دەبێت لەسەر کێشە و گرفتەکانی هەڵەبجە بەمەبەستی چارەسەر کردنی”.

هاوکات، سامان ئەحەمەد بەکر بەرێوەبەری راگەیاندنی پەرلەمان، لە لێدوانێکيدا رايگەياند: “کۆبوونەوەکە بە بەشداری رێبەر ئەحمەد وەزیری ناوخۆ، دارا رەشید وەزیری پلاندانان، بێگەرد تاڵەبانی وەزیری کشتوکاڵ، کەمال موسلیم وەزیری پیشەسازی و بازرگانی، حەمەی حەمەسەعید وەزیری رۆشنبیری، بەرەڤان حەمدی بریکاری وەزیری شەھیدان و ئەنفالکراوەکان، هەروەها محەمەد شوکری سەرۆکی دەستەی وەبەرھێنان دەبێت”.

لە 16ی ئازاری 1988  لە کۆتایی رۆژەکانی  جەنگی عێراق و ئێران، رژێمی بەعسی عێراق شاری ھەڵەبجەی بە گازی کیمیایی کیمیاباران کرد،بەوهۆيەوە، زیاد لە پێنج هەزار هاووڵاتی کورد شەھیدکران و زياتر لە 10 هەزار کەسيش برينداربوون.