ئاڵوگۆڕی بازرگانی لە نێوان عێراق و سعودییە بە ڕێژەی %15 زیادی کردووە

SNN

ئەمڕۆ یەکشەممە، دەستەی ئاماری وڵاتی سعودییە رایگەیاند: کە ڕێژەی بازرگانی و بەهای ئاڵوگۆڕ لە نێوان هەردوو وڵاتی عێراق و سعودییە بە رێژەی %15 بەرزبوونەوەی بەخۆیەوە بینیوە.

لە راگەیەندراوەکەدا باس لەوە کراوە کە ئاستی ئاڵوگۆڕی بازرگانی لە ساڵی رابردوودا و سەرەڕای هەبوونی ڤایرۆسی کۆرۆنا 3.37 ملیار ڕیاڵی سعودی بووە کە دەکاتە نزیکەی 908 ملیۆن دۆلار، بەڵام مەساڵ ئامارەکان زۆر لە ساڵی رابردوو زیاترە.

ئاماژە بەوەشکراوە، رێژەی هەناردەی وڵاتی سعودییە لە ماوەی ئەو ساڵەدا بۆ عێراق بەبەهای 898 ملیۆن دۆلار بووە، لەهەمان کاتدا رێژەی هەناردەی عێراق بۆ وڵاتی سعودییە 41.6 ملیۆن دۆلار بووە.

ئەو بابەتانەی کە لە سعودییەوە دێتە عێراق خۆی دەبینێتەوە لە خواردن و بەرهەمەکانی سپیای و جلوبەرگ و بۆن و پلاستیک، ئەوانەشی لە عێراقەوە دەچێتە وڵاتی سعودییە زیاتر خۆی لە سەوزە و میوە و دانەوێڵە دەبینێتەوە.