لە رۆژی سێشەممەوە دەستدەکەین بەبەکارهێنانی ڤاکسینی ڤایزەر بۆ هاووڵاتیان

SNN

دکتۆر سەباح هەورامی، بەڕێوەبەری گشتی تەندروستی سلێمانی لە کۆنگرەیەکی رۆژنامەوانیدا رایگەیاند: داوا لە هاووڵاتیان دەکەم پەلە نەکەن لە بەکارهێنای ڤاکسین، چونکە ڤاکسینی ڤایزەر پڕۆتۆکۆڵیکی جیاوازی هەیە و پێویستە لە پلەی گەرمی گونجاودا هەڵبگیرێت و ئێمە یەکەمجارمانە بەکاریدەهێنین.

ئاماژەی بەوەشکرد: “تا ئێستا لە پارێزگای سلێمانی هیچ ڤاکسینێکی ڤایزەرمان بەکارنەهنێناوە و وە ڤاکسینی ئەسترازینکاش ڤاکسینێکی باشە و وڵاتی بەریتانیا پەرەی پێداوە، مانگانەش یەک ملیۆن ڤاکسین دەگاتە عێراق و لەو ژمارەیش بەشی هەرێمی تێدایە.

بەرێوەبەری گشتی تەندروستی سلێمانی ئە کەسانەی کە نەخۆشی خوێن مەینیان هەیە دەبێت پێشتر سەردانی پزیشکی تایبەت بکەن، تا ئێستا 10 هەزار کەس لە پارێزگای سلێمانی ڤاکسینی بەکارهێناوە و لەکاتی ئیستادا کارمەندەکانمان مەشق لەسەر بەکارهێنانی ڤاکسینی ڤایزەر دەکەن و هەفتانە 1700 ڤاکسینی ڤایزەر و ئەسترازێنکا دێتە سلێمانییەوە.

روونیشیکردەوە “لە پاریزگای سلێمانی 11 بکە هەیە بەڵام ڤاکسینی ڤایزەر تەنیا لە 3 بنکەدا لە سلێمانی بەکاردێت، چونکە دەبێت لە شوێنی تایبەتدا هەڵبگیرێت و بەکاربهێنرێت و لە ڕۆژی سیشەممەوە هاووڵاتیان دەروانن ڤاکسین وەربگرن، وە ئەو کەسانەی تەمەنیان سەرو 40 ساڵە ئەوان سەرەتا با ڤاسکین وەربگرن.

باسی لەوەشکرد “دەمانەوێت هاووڵاتیان لەوە تێبگەن ڤاکسین ڤایرۆسەکەیە بە لاوازی دەکرێتە جەستەوە، گەر نیشانە هەبوو دوای کوتان، ئەوا با بازانن کە ڤایکسینەکە کاری خۆی دەکات، بۆ ژنانی دووگیان وا باشترە بەکارینەهێنن.