چین: دیموکراسی کۆکا کۆلا نییە لەهەموو شوێنێک یەک تامی هەبێت

SNN

وەزیری دەرەوەی چین رایدەگەیەنێت “دیموکراسییەت کۆکا کۆلا نییە و ویلایەتە یەکگرتووەکانی ئەمریکا ناتوانێت جیهان ناچار بکات لەسەر هەمان تام و چێژی کۆکاکۆلا بن وەک ئەوەی خۆی دایهێناوە”.

وانگ ییی وەزیری دەرەوەی چین لە ڤیدیۆ کۆنفارانسێکدا لەگەڵ نوێنەرانی پەیوەندییەکانی دەرەوەی کۆنگرێس وتیشی: “هیچ کام لە نەتەوەکان بەدڵی نەتەوەیەکی دیکە ناجوڵێتەوە”.

دەشڵێت: “هەر وڵاتە و هەر کلتوورە و بەڕێی خۆی و بە جێی خۆی، کەس ناتوانێت دیدی خۆی بەسەر هیچ وڵاتێکی دیکەدا بسەپێنێت”.

وەزیرە چینییەکە دەشڵێت: “نە ئایدۆلۆژیای کەس هاوردە دەکەین و نەدەیسەپێنین بەسەر کەسیشدا، ناشمانەوێت کەس چاو لە پێناس و کلتوری وڵاتەکەمان بکات”.