لەبارەی گرانبوونی نرخی بەنزین روونکردنەوە دەدرێت
بەنزینخانە
SNN
نرخی بەنزین لە هەرێمی کوردستان 100 بۆ 150 دینار گرانبووە، ئەوەش نیگەرانی شۆفێرانی لێکەوتووەتەوە، بەڕێوەبەرایەتی چاودێری بازرگانی هۆکارەکەی ئاشکرادەکات.
سۆران عهبدولغهفوور بهڕێوهبهری چاودێری بازرگانی سلێمانی راگهیاند، بههۆی ئهوهی بهنزین بازاڕی ئازاد نرخهكهی دیاری دهكات، بۆیه بهرزبوونهوهی نرخەکەی له بۆرسهی جیهان و بهرزبوونهوهی نرخی دۆلار، كاریگهرییان لەسەر هەبووە و بوونەتە هۆی گرانی نرخەکەشی لە هەرێمی کوردستان.
سەبارەت بەوەی کە چییان لەتوانادا دەبێت بۆ کەمکردنەوەی نرخی بەنزین بیکەن، سۆران عەبدولغەفور وتی: “ئێمە دهتوانین تهنیا له كوالێتییهكهی لێپێچینهوه بكهین، بهڵام نرخهكهی بازاڕی ئازاد دیاری دهكات”.
ئەمڕۆ نرخی بەنزینی نۆرماڵ لە نێوان 650 بۆ 675 دیناردایە بۆ هەر لیترێك، بەنزینی موحەسەن 700 دینار و بەنزینی سوپەریش نرخەكەی گەیشتووەتە 775 دینار.
