تورکیا ئۆپراسیۆنێکی سەربازی لە هەرێمی کوردستان دەستپێکرد
قافڵەیەکی سوپای تورکیا
SNN
ئەمڕۆ تورکیا ئۆپراسیۆنێکی سەربازی دژ بە گەریلاکانی پەکەکە لە هەرێمی کوردستان دەستپێکرد و بە چڕی بۆردومانی ناوچەکانی مەتینا و زاپ و ئاڤاشین-ی کرد.
لەبارەی ئەو ئۆپراسیۆنەوە رەجەب تەییب ئەردۆغان سەرۆککۆماری تورکیا رایگەیاند، لە رێگەی ئاسمانی و زەمینیەوە هێرش دەکەن و تا ئێستا ژمارەیەک زۆر لە گەرلاکانی پەکەکە “لەچالاکی خراون”.
لەوبارەیەوە کۆنگرەی نەتەوەیی کوردستان راگەیەندراوێکی بڵاوکردووەتەوە و دەڵێت تورکیا ساڵڕۆژی کۆمەڵکوژی ئەرمەنەکانی بە رۆژی دەستپێکردنی ئۆپراسیۆنەکە دیاریکردووە کە ئەمەش پەیامێکە بۆ کورد.
تورکیا ئەم ئۆپراسیۆنەی ناوناوە “چڕنوکی هەورەبروسکە”، پەکەکەش بە “ئۆپراسیۆنی داگیرکاری” ناویدەبات.
ئەمە لەکاتێکدایە میدیاکانی پارتی کرێکارانی کوردستان – پەکەکە بڵاویانکردەوە، سوپای تورکیا لە ناوچەی ئاڤاشین لە باشووری کوردستان ئۆپەراسیۆنێکی سەربازیی فراوانی دەستپێکردووە. میدیای پەکەکە ئۆپەراسیۆنەکە بە “ئۆپەراسیۆنی داگیرکاری ناودەبات”.
