نەتەوە یەکگرتووەکان “لایەنەکانی ئەفغانستان دەخاتە بەردەم بەرپرسیارێتی”
کۆبوونەوەی ئەنجومەنی ئاسایشی نەتەوەیەکگرتووەکان
SNN
سکرتێری گشتی نەتەوە یەکگرتوەکان لەکۆبونەوەی بەپەلەی ئەنجومەنی ئاسایشدا رایگەیاند، داوا لەهەمو لایەنەکانی ئەفغانستان دەکەین بە بەرپرسیارێتی خۆیان هەستن و هاووڵاتیان بپارێزن.
ئەنتۆنی گۆتێرێز سکرتێری گشتی نەتەوە یەکگرتوەکان لەمیانی بەشداریکردنی لەکۆبونەوەی بە پەلەی ئەنجومەنی ئاسایشدا کە دوانیوەڕۆ بۆ تاوتوێکردنی دۆخی ئەفغانستان بەڕێوەچو رایگەیاند، داوا لەهەموو لایەنەکانی ئەفغانستان دەکەین بە بەرپرسیارێتی خۆیان هەستن و هاووڵاتیان بپارێزن.
گوتێرز وتیشی، “هەواڵەکان باس لەپێشێلکاری زۆر دەکەن بەرامبەر مافەکانی مرۆڤ، بەتایبەتی بەرامبەر ژنان، لێرەوە داوای رێزگرتن لەماف و بەرپرسیارێتییەکان دەکەین”.
جەختیشیکردەوە، نەتەوە یەکگرتووەکان بەڵێندەدات هاوکار و پشتیوانی خەڵکی ئەفغانستان بێت.
سکرتێری گشتی نەتوە یەکگرتوەکان وتیشی، “تاڵیبان لەماوەی رابردودا رێزی لە دامەزراوەکانی سەربە نەتەوە یەکگرتوەکان گرتوە”.
