ناتانیاهۆ: ڕێنماییم به سوپا و مۆساد داوه تا ڕژێمی ئێران بڕووخێنن
بنیامین ناتانیاهۆ
SNN
بنیامین ناتانیاهۆی سه‌رۆك وه‌زیرانی ئیسرائیل ئاشكرای كرد، رێنمایی ئاراسته‌ی ده‌زگه‌ی هه‌واڵگری مۆساد و سوپای ئیسرائیل كردووه، تا به وردی كار بكه‌ن و كۆتایی به ڕژێمی ئیسلامی له ئێران بهێنن.
سه‌رۆك وه‌زیرانی ئیسرائیل له چاوپێكه‌وتنێكی له‌گه‌ڵ كه‌ناڵ 14ی ئیسرائیل گوتی، ڕێنماییم به مۆسدا و سوپا داوه تا ڕژێمی ئیسلامی له ئێران بڕووخێنن.
له به‌شێكی تری قسه‌كانی ناتانیاهۆ ئێرانی به دووپشكێكی بریندار ناوبرد كه ده‌یه‌وێ دواجار به نێچیره‌كه‌ی بدات، به‌ڵام ئیسرائیل ئێسته له‌به‌رده‌م ده‌رفه‌تێكی گه‌وره‌یه تا كۆتایی به ئێران بهێنێت و داهاتوویه‌كی گه‌ش بۆ خۆی بنیات بنێت.
هه‌روه‌ها ناتانیاهۆ به‌ڵێنی دا كه گورز و بۆردمانی قورس ده‌كرێته سه‌ر ئێران، بێ ئه‌وه‌ی ورده‌كاری زیاتر له‌باره‌ی سروشتی ئه‌و ئۆپراسیۆن و جموجۆڵانه بخاته ڕوو.
قسه‌كانی نه‌تانیاهۆ له كاتێكدایه سبه‌ی سێشه‌م پرۆسه‌ی هه‌ڵبژاردنی په‌رله‌مان له‌و وڵاته به‌ڕێوه ده‌چێ و حزب و لایه‌نه به‌شداره‌كان كێبه‌ركێ له‌سه‌ر 120 كورسی كنێستی ئیسرائیلی ده‌كه‌ن.
