نرخى کارەبای موەليدە بۆ مانگی دوو دیاریكرا
SNN
بەڕێوەبەرايەتی کارەبای سلێمانی رايگەياند: نرخی یه‌ك ئەمپێر كاره‌بای موه‌لیده لەمانگی رابردوودا له نێوان (12) هه‌زار و (500) دینار بۆ (14) هه‌زار دینار ده‌بێت.
ئەمڕۆ پێنجشه‌ممه، کارەبای سلێمانی بڵاويکردەوە: لیژنەی سه‌رپه‌رشتیارى موه‌لیده ئەھلییەکانی سلێمانی بۆ هه‌ژماركردنی نرخی كاره‌بای موەلیدە ئه‌هلییه‌كان كۆبوونه‌وه و به‌گوێره‌ى نرخى گازۆیل و كاتژمێره‌كانى كاركردن نرخى ئه‌مپێرێك كاره‌باى موه‌لیده‌ى ئه‌هلى بۆ مانگی رابردوو (شوبات) له نێوان (12) هه‌زار و (500) دینار بۆ (14) هه‌زار دینار ده‌بێت.
ئاماژەی بەوەشکردووە: به‌هۆی جیاوازی كارپێكردنی موه‌لیده‌كان له‌گه‌ڕه‌كێك بۆ گه‌ڕه‌كێكی دیكه، نرخی ئه‌مپێڕێك كاره‌بای موه‌لیده‌ی جیاواز ده‌بێت، سه‌باره‌ت به‌كاركردنى موه‌لیده‌ش به‌یانیان له کاتژمێر 6:30ی به‌یانى تا کاتژمێر 8:00ى به‌یانى كارده‌كه‌ن، هه‌روه‌ها (12) نیوه‌ڕۆ تا یه‌كی شه‌و هه‌ركاتێك كاره‌بای نیشتیمانی كوژایه‌وه پێویسته موه‌لیده‌كان كاره‌با دابین بكه‌ن بۆ هاووڵاتیان.
