نرخی نەوت بە شێوەیەکی بەرچاو دابەزی

SNN

نرخی نەوت لە بازاڕە جیهانییەکان بەشێوەکی بەرچاو دابەزی و لە ئێستادا هەر بەرمیلێک بە کەمتر لە 110 دۆلار مامەڵەی پێوەدەکرێت.

لەرۆژانی رابردوودا و دوای سەپاندنی سزاکانی ئەمریکا بەسەر کەتی وزەی رووسیا نرخی نەوت ژمارەیەکی پێوانەیی تۆمار کرد و گەیشتە سەروو 130 دۆلار، بەڵام دواتر نرخەکەی رووی لە داکشان کردەوە.

لە درێژەی دابەزینی نرخی نەوت ئەمڕۆ نرخی یەک بەرمیل نەوت بۆ کەمتر لە 110 دۆلار دابەزی و لە ئێستا یەک بەرمیل نەوتی برێنت بە 109 دۆلار و 78 سەنت مامەڵەی پێوەدەکرێت.

هاوکات یەک بەرمیل نەوتی خاوی ئەمریکیش بە 106 دۆلار و 62 سەنتە.

بە هۆیە ئەوەی رووسیا خاوەنی یەدەگێکی زۆری نەوت و غازە، سزاکان بۆ سەر ئەو وڵاتە راستەوخۆ کاریگەر لەسەر بازاڕی جیهانی وزە دادەنێن.