مانگى رابردوو عێراق به بههاى 11 ملیار دۆلار نهوتى فرۆشتووه
داهاتى نهوت | فۆتۆ: Orient Research Centre
SNN
وهزارهتى نهوتى عێراق داهاتى فرۆشتنى نهوتى مانگى رابردووى بڵاوكردهوه و رایگهیاند، له مانگى ئازاردا به بههاى 11 ملیار دۆلار نهوت فرۆشراوه، ئهوهشى خستهڕوو، “ماوهى 50 ساڵه عێراق ژمارهى پێوانهیی واى بهخۆیهوه نهبینیووه”.
له بهیاننامهیهكدا كه ئهمڕۆ ههینى بڵاوكراوهتهوه وهزارهتى نهوتى عێراق ئاشكرایكرد، “مانگى رابردوو لهڕێگهى كۆمپانیاى سۆمۆوه بڕی 100 ملیۆن و 563 ھەزار و 999 بەرمیل نەوت فرۆشراوە و ھەناردەی دەرەوە کراوە”.
له بارهى داهاتى نهوتى فرۆشراو وهزارهتى نهوت ئهوهشى خستووهتهڕوو، “داهاتى نهوتى فرۆشراو گهیشتووهته 11 ملیار و 70 ملیۆن دۆلاره. هاوكات بۆ یهكهمجار له ساڵى 1972هوه ژمارهیهكى پێوانهیی لهو شێوهیه له داهاتى نهوت تۆمار بكرێت”.
وهزارهتى نهوت ئهوهشى خستووهتهڕوو، “بڕی نەوتی فرۆشراوی کێڵگەکانی کەرکوک گهیشتووهته دوو ملیۆن و 448 ھەزار و 935 بهرمیل. هاوكات بڕى نهوتى فرۆشراو له كێڵگهكانى باشوور و ناوهڕاستى عێراق گهیشتووهته 99 ملیۆن و 115 ھەزار و 64 بەرمیل”.
به پێى راگهیهنراوهكهى وهزارهتى نهوت، “مانگى رابردوو عێراق رۆژانه 3 ملیۆن و 244 هەزار بەرمیل نهوتى فرۆشتووه و نرخى یهك بهرمیل نهوتیش به 110 دۆلار و 9 سەنت خهملێنراوه”.
