گوژمێک پارە بۆ سلێمانی تەرخانکرا

SNN

وەزارەتی شارەوانی و گەشتوگوزار رايگەياند: نزیكەی 300 ملیۆن دینار بۆ نۆژەنكردنەوەی شەقامەكانی شاری سلێمانی تەرخان كرا، هەروەها زياتر لە 22 مليۆن دينار بۆ دابینكردنی ماتۆڕی غەتاس بۆ ئاوی سلێمانی خەرجكرا.

وەزارەتی شارەوانی و گەشتوگوزار  لە راگەيەندراوێکدا بڵاويکردەوە: وەزارەتی شارەوانی و گەشتوگوزار ڕەزامەندی دا لەسەر خەرجكردنی گوژمەی نزیكەی 300 ملیۆن دینار لەسەر پلانی ساڵی 2022 بە مەبەستی نۆژەنكردنەوەی شەقامە ناوخۆییەكانی چەند گەڕەكێكی نێو شاری سلێمانی.

ئاماژەی بەوەشکردووە: ئەم گوژمەیە كاریگەری لەسەر بەرزكردنەوەی ئاستی خزمەتگوزارییەكانی ئەو گەڕەكانەی ناو شاری سلێمانی دەبێت و هەروەها ئاسانكاری هاتوچۆش بۆ شۆفێران و هاووڵاتییان دروست دەكات.

راشيگەياند: بڕیار درا لەسەر خەرجكردنی گوژمەی 22,715,000 دينار، لەسەر پلانی ساڵی 2022 بە مەبەستی دابینكردنی ماتۆری غەتاس بۆ گەنجینەی بەڕێوەبەرایەتیی ئاوی دەوروبەری سلێمانی.