“دۆخی زیندانیانی بادینان خراپە و مەترسی گیانلەدەستدانیان هەیە”
SNN-عەلی حەمە سەعید
لەبەرامبەر ئەو ڕێوشوێنە توندەی كە بەرپرسانی زیندانی شیلادزێ گرتوویەتییە بەر بەرامبەر بە زیندانیكراوانی بادینان، بارودۆخی تەندروستی ژمارەیەك لەو زیندانیكراوانە بەرەو خراپی هەنگاو دەنێت و تەنانەت ژمارەیەكیشیان مەترسی گیان لەدەستدانیان هەیە و كەسوكاری زیندانیكراوانیش ناوێرن بە ئاشكرا قسە بۆ راگەیاندنەكان بكەن.
بەگوێرەی ئەو زانیارییانەی كە لە كەسانی نزیك لە زیندانیكراوانی شیلادزێ بە SNNدراون ئەوە خراوەتەڕوو: بەرپرسانی ئەمنی و ئاسایشی زیندانەكە كەسوكاری زیندانیكراوانی بادینانیان ئاگاداركردووەتەوە كە نابێت بە هیچ جۆرێك لێدوان و قسە بۆ دەزگاكانی ڕاگەیاندن بدەن و باس لە ڕەوشی ناوزیندانەكان بكەن، چونكە بەوتەی ئەو بەرپرسە ئەمنیانیانە دۆسيەی ئەو دەستگیركراوانە یەكلایی بووەتەوە دادگا بڕیاری خۆی داوە و پێویست ناكات هێندە لە راگەیەندنەكانەوە باسبكرێن.
ئاماژە بەوەشكرد: دۆخی زیندانیانی بادینان بە تایبەت زیندانیانی شیلادزێ لەڕەوشێكی زۆر خراپدایە و هەر ئەوەش وایكردووە كە ژمارەیەك لەو زیندانیانە دەستبكەن بە مانگرتن بەڵام دواتر لەژێر فشاری بەرپرسانی زیندانەكە مانگرتنەكەیان پێشكێندراوە هاوكات دوای ئەوەی مانگرتنەكەیان پێدەشكێندرێت وەك سزایەكی دەروونی یاری بەهەستیان دەكرێت و بە پێی پێویست خۆراك و پێداویستییەكانیان بۆ دابینناكرێت.
SNN ئەوەشی زانیوە كە ماوەی ساڵێك و چوار مانگە پێنج چالاكوانی شێلادزێ لەگەڵ چەندین زیندانی دیكەی بادینان لە ئاسایشی گشتی هەولێر زیندانیكراون و دۆخی تەندروستی ئەو زیندانیانە جێگیرنییە یەكێك لە زیندانییەكانیش لە هۆشی خۆی چووە لەلایەن هێزە ئەمنییەكانەوە زۆر بە توندی ئەشكەنجدراون ڤیدیۆ كراون و هەروەها رێگەیان پێنادەن پارێزەری خۆیان ببینن و لە كاتی لێكوڵینەوەدا گشت وتە و ئیفادەكانیان گۆڕدراون و پێیان ئیمزا كردوون كە نەیان زانیوە چی نوسراوە.
