یەکەم یاریزانی بەرشەلۆنە ماڵئاوایی دەکات

SNN Sport

بە قسەی رۆژنامەکانی ئیسپانیا، تۆدیبۆی فەرەنسی و بەرگریکاری یانەی بەرشەلۆنە، دەبێتە یەکەم یاریزانی ئەم یانەیە ماڵئاوایی لە یانە کەتەلۆنیەکە بکات.

تۆدیبۆی فەرەنسی و تەمەن 20 ساڵ، لە ساڵی   2019لە یانەی تۆڵۆزی فەرەنسییەوە پەیوەندی بە یانەی بەرشەلۆنەوە کردو لە ئێستادا بە خواستن تا کۆتایی ئەم وەرزە بە یانەی شاڵکەی ئەڵمانی دراوەو لە کۆتایی ئەم وەرزە خواستنەکەی کۆتایی دێت و دەگەڕێتەوە بۆ یانە کەتەلۆنیەکە.

لە ژمارەی ئەمڕۆیدا رۆژنامەی سپۆرتی ئیسپانی بڵاویکردووەتەوە،  تۆدیبیۆ دەبێتە یەکەم یاریزان یانەی بەرشەلۆنە لە گواستنەوەکانی هاوینەی داهاتوو جێبهێڵێت، چونکە ئەو یاریزانە  ویستراوە لە لایەن یانەکانی ئەوروپاوەو لە خولی ئینگلتەرا گرێبەستی زۆر باشی پێدەگات.

هەروەها رۆژنامەکە نوسیویەتی، یانەی بەرشەلۆنە قازانجێکی باش لە فرۆشتنی ئەم یاریزانە دەکات و  بە بڕی تەنیا 1 ملیۆن یۆرۆ کڕیویەتی، ئێستا بە زیاتر لە 25 ملیۆن یۆرۆ دەیفرۆشێت.

یانەی بەرشەلۆنە لیستێک یاریزانی ئامادەکردووە کە زیاترە لە 7 یاریزان و دەیەوێت لە گواستنەوەکانی داهاتوو بیانفرۆشێت، ئەمەش بەهۆی قەیرانی ڤایرۆسی کۆرۆنا و کەمبوونەوەی داهاتی یانەکە و گواستنەوەی یاریزانی نوێ بۆ شوێنەکەیان.