وهزارهتى نهوتى عێراق كۆتایی قهیرانى بهنزینى راگهیاند
وێستگهیهكى بهنزین تێكردن | فۆتۆ: CR
SNN
وهزارهتى نهوتى عێراق رایگهیاند، سزاى سهرجهم ئهو كهسانه دهدهین كه قهیرانى دهستكردى بهنزینیان دروستكردووه، بهڕێوهبهرى دابهشكردنى كانزاكانیش دهڵێت: “هیچ قهیرانێك بوونى نییه، ئهوهى ههیه هاووڵاتییان خۆیان دروستیان كردووه”.
ئهمڕۆ ههینى وهزارهتى نهوتى عێراق له بهیاننامهیهكدا بڵاویكردهوه، “ئهو قهیرانه دهستكردهى كه دوو رۆژه دروستبووه و بووهته هۆكارى بهرزبوونهوهى نرخى بهنزین، بهڵام ئێمه قهیرانهكهمان چارهسهر كردووه. تهواوى ئهو كهسانهش دهدهینه دادگا كه لهم جۆره قهیرانانه دروستدهكهن و زیان به هاووڵاتییان دهگهیهنین له بهرژهوهندى خۆیان”.
له بهشێكى ترى بهیاننامهكهدا جهخت لهسهر ئهوهش كراوهتهوه، “سهرجهم ئهو كێشانه چارهسهر دهكرێن كه پهیوهستن به نرخى بهنزین و جارێكى تر قهیرانى لهو شێوهیه سهرههڵناداتهوه”.
ههر لهوبارهیهوه بهرهبهیانى ئهمڕۆ محهمهد شبر، بهڕێوهبهرى كۆمپانیاى دابهشكردنى كانزاكان له وهزارهتى نهوتى عێراق سهردانى وێستگهكانى دابهشكردنى سووتهمهنى كرد له بهغدا و له پهراوێزى سهردانهكهیدا لهبهردهم میدیاكان رایگهیاند، “هیچ قهیرانێكى بهنزین بوونى نییه. هاووڵاتییان خۆیان قهیرانهكهیان دروستكردووه، بۆیه داوادهكهین دان به خۆیاندا بگرن و ئارام بن، چونكه له سهرجهم وێستگهكان بهنزینى تهواوهتى ههیه”.
قسهكانى ئهو بهرپرسه لهكاتێكدایه كه ماوهى دوو رۆژه قهیرانى بهنزین هاوشێوهى ههرێمى كوردستان له شارى بهغدا سهریههڵداوه و هاووڵاتییان ناچارن چهند كاتژمێرێك له نۆرهى بهنزیندا بووهستن تاوهكو بتوانن تانكى ئۆتۆمبێلهكانیان پڕبكهن.
