هەر کەسێک کە بەدەست کارەکانی رووسیا تووشی زیانی بەرکەوتووە، قەرەبوو بکرێتەوە
SNN
ڤۆلۆدۆمیر زێلێنسکی، سەرۆکی ئۆکرانیا رایگەیاند: “بانگهێشتی وڵاتانی هاوپەیمان دەکات کە ڕێککەوتنێکی فرەلایەن واژوو بکەن و میکانیزمێک دروست بکەن کە لە ڕێگەیەوە هەر کەسێک بەهۆی هێرشەکانی رووسیا زیانی بەرکەوتووە قەرەبووبکرێتەوە، بۆ ئەو مەبەستەش داوا دەکات هەموو پارە، موڵک و ماڵی رووسیا دەستیبەسەردا بگیرێت و لە سندوقێکی هاوبەشدا دابنرێت، ئەو پارەیەش بۆ قەرەبوکردنەوەی هاووڵاتیان سودی لێوەربگیرێت.
دەشڵێت:”ئێمە بانگهێشتی وڵاتانی هاوپەیمان دەکەین کە ڕێککەوتنێکی فرەلایەن واژوو بکەن و میکانیزمێک دروستبکەن کە لە ڕێگەیەوە هەر کەسێک کە بەدەست کارەکانی رووسیا تووشی زیان بووە، بتوانێت قەرەبووی هەموو زیانەکانی وەربگرێت، ئەو هەنگاوە دادپەروەرانە دەبێت و رووسیا هەست بە قورسایی ڕاستەقینەی هەموو موشەکێک، هەموو بۆمبێک و ئەو پرۆسە داگیرکارییە دەکات کە بەسەر ئێمەیدا سەپاندووە.
