نوێترین زانیارى لهبارهى دهستپێكردنهوهى هاتووچۆى گهشتیاران له مهرزى باشماخ
مەرزی باشماخ
SNN-عەلی حەمە سەعید
بەڕێوەبەری راگەیاندنی مەرزی نێودەوڵەتی باشماخ رایدهگهیهنێت، ئەو گرفتەی دروستبووە لە رۆیشتنی گەشتیارانی هەرێم بۆ ئێران زیاتر ئەو گەشتیارانەن كە ڤیزای رۆژی پێنجی مانگیان وەرگرتووە و ئەوانەی رۆژانی پێشتر ڤیزایان وەرگرتووە گرفتیان نییە.
ئیسماعیل عەلی ئاغا، بەرێوەبەری راگەیاندنی دەروازەی نێودەوڵەتی باشماخ ئهمڕۆ دووشهممه 6ى حوزهیران بە SNNی راگەیاند، “لە دوێنێوە گرفتێك لە دیوی ئێرانەوە دروستبووە كە گرفتەكە بریتیە لەوەی سیستمی خوێندنەوەی بەڵگەنامەی رۆیشتن لە دیوی ئێران لەكاركەوتووە بەوهۆیهشەوە گەشتیارانی هەرێم ناتوانن بچنە ئێران و ئەوانەی دوێنێ ڤیزایان وەرگرتووە گەڕێندراونەتەوە”.
ئهو بهرپرسهى مهرزى نێودهوڵهتى باشماخ زانیارى زیاتر دهخاتهڕوو و ئاشكرایدهكات، “گرفتەكە زیاتر ئەو گەشتیارانەی گرتووەتەوە كە ڤیزای ڕۆژی 5ى حوزهیرانى 2022 یان وەرگرتووە، بەڵام ئەو گەشتیارانەی ڤیزای رۆژانی پێشتریان وەرگرتووە گرفتێكی ئەوتۆیان نییە و لە سیستەمی خوێندنەوەی بەڵگەنامەكان دەخوێندرێنەوە، بەڵام لەگەڵ لایەنی ئێرانی لەسەر هێڵین بۆ ئەوەی لە داهاتوویەكی نزیكدا ئەو گرفتە چارەسەر بكرێت”.
ئەو بەرپرسەی دەروازەی نێودەوڵەتی باشماخ ئەوەشی خستەڕوو، “بەهۆی ئەوەی لایەنی ئێرانی لە هەوڵی جدیدان بۆ چارەسەر كردنی ئەو گرفتە پێشبینی دەكەین ئەمڕۆ بتوانرێت گرفتەكە چارەسەر بكرێت و هاتووچۆی گەشتیاری لە مەرزی باشماخەوە ئاسایی ببێتەوە”.
