“هەرێم پابەندی ناردنی داهاتی نەوت نەبێت ئەوا 200 ملیارە بەردەوام نابێت”

SNN

عەلی عەلاوی، وەزیری دارایی عێراق لە لێدوانێكیدا ئاماژەی بەوەكردووە، ئەو بڕە پارانەی لە چوارچێوەی خەرجكرنی 12%ی بودجە بۆ هەرێمی كوردستان نێردراوە لە چەند مانگی ڕابردوودا، لەسەر بنەمای ئەوە بووە، كە هەرێمی كوردستان پابەند بێت بە ناردنی داهاتە نەوتییەكان بۆ حكومەتی فیدڕاڵی.

ئاماژەی بەوەشكرد، بڕیاری دادگای فیدڕاڵی سەبارەت بە پووچەڵی یاسای نەوت و غازی هەرێم ڕێگر دەبێت لەبەردەم ناردنی پشكی هەرێم لە بودجە، بۆیە بەهۆی بڕیارەكەوە ئەگەر هەرێم پابەندی ناردنی داهاتی نەوت نەبێت ئەوا 200 ملیارە بەردەوام نابێت.

جەختیشی كردۆتەوە، نەوتی هەرێمی كوردستان هی خۆیەتی و ئەوەش بەڕوونی پێیان وتراوە، بەڵام لەسەر بنەمای بڕیاری دادگای فیدڕاڵی هەناردەی نەوتی هەرێم و مامەڵەپێوەكردنی بەو شێوەیە نایاساییە.