پێنج چالاكوانى سزادراوى بادینان ئازاد دهكرێن
پێنج چالاكوانى دهستگیركراوى بادینان | فۆتۆ: KurdsatNews
SNN
پارێزهرى دۆسیهيى چالاكوانانى بادینان ئاشكرایدهكات، لهدواى جهژن پێنج له چالاكوانه دهستگیركراوهكانى بادینان ئازاد دهكرێن.
بەشدار حەسەن، پارێزەری دۆسیەیی چالاکوانی بادینان ئهمڕۆ پێنجشهممه 7ى تهمموز، رایگهیاند، “پێنج چالاکوانی دەستگیرکراوی شیلادزێ كه ماوەی ساڵێک و حەوت مانگە بە تۆمەتی تێکدانی ئاسایشی ناوخۆ دەستگیرکراون لهدواى پشتووهكانى جهژن ئازاد دهكرێن”.
وتیشى: “ئهم چالاكوانه سزادراوانه پێشتتر بڕیاربوو لە 16ی حوزەیرانی 2022 ئازادبکرێن، بەڵام بەھۆی دەستوەردانی حزب لە دۆسییەکە تائێستا ئازاد نەکراون”.
به وتهى پارێزەری دۆسیەیی چالاکوانی بادینان، “بڕیارە داوای داواکاری گشتی بۆ ئازادکردنیان ببرێتە بەردەست دادوەر بۆ ئەوەی ئازادبکرێن، ئازادکردنەکەشیان دەکەوێتە دوای پشووەکانی جەژن”.
بهپێى زانیارییهكان، ئهو پێنج چالاكوانهى كه ئازاد دهكرێن بریتیه له ههریهكه له، یوسف شەریف، مەحمود ناجی، کۆڤان تاریق جوبرائیل، ئەمجەد یوسف و نێچیرڤان حاجی كه نزیکەی دوو ساڵە دەستگیرکراون و تائێستاش ئازاد نەکراون.
