كهشناسى رهتیدهكاتهوه له رۆژانى جهژندا شهپۆلى خۆڵبارین روو له عێراق بكات
دیمهنێكى خۆڵبارین له سلێمانى | فۆتۆ: SNN
SNN
بهڕێوهبهرایهتى گشتى كهشناسى عێراق رایگهیاند، سهرجهم ئهو ههواڵانه رهتدهكهینهوه كه باس له هاتنى شهپۆلى نوێى خۆڵبارین دهكهن بۆ عێراق بهتایبهت له رۆژانى جهژندا.
ئهمڕۆ پێنجشهممه 7ى تهمموز، عامر جابرى، وتهبێژى بهڕێوهبهرایهتى گشتى كهشناسى عێراق رایگهیاند، “بههۆى كاریگهرییهكانى گهرمبوونى زهوى ئێمه بهدهست هاتنى شهپۆله یهك لهدواى یهكهكانى خۆڵبارین دهناڵێنین”.
وتیشى: “له بهشێك له میدیا و تۆڕه كۆمهڵایهتییهكان دهنگۆى ئهوه بڵاوبووهتهوه كه له دوو رۆژى داهاتوودا شهپۆلى نوێى خۆڵبارین روو له عێراق دهكات، ئهم بابهته دووره له راستییهوه هیچ شهپۆلێكى خۆڵبارین روو له عێراق ناكات”.
به وتهى وتهبێژى بهڕێوهبهرایهتى گشتى كهشناسى عێراق، “بهشێوهیهكى زۆر كهم خۆڵ له چینه بهرزهكانى ههوا له چهند رۆژى داهاتوودا ههستیپێدهكرێت، بهڵام بههیچ شێوهیهك كار ناكاته سهر ژیانى رۆژانه و كهشى شارهكان”.
عێراق یهكێكه لهو پێنج وڵاتهى جیهان كه زۆرترین كاریگهریی گۆڕانى كهشوههوا لهسهرى دهردهكهوێت و كار له ئاو و ههوا و خاكهكهى دهكات.
