نوسراوێکی وەزارەتی دارایی عێراق لەبارەی مووچەی فەرمانبەرانی هەرێمەوە ئاشکرادەکرێت
SNN
بە گوێرەی نوسراوێک، وەزارەتی دارایی عێراق مۆڵەتی 30 رۆژی داوەتە حکومەتی هەرێم تا داهاتەکانی رێکبخاتەوە.
بەگوێرەی نوسراوێک کە واژۆی عەلی عەلاوی وەزیری دارایی عێراقی لەسەرە و کۆپییەکی دەست SNN کەوتووە، وەزیری دارایی عێراق ماوەی 30 رۆژی بۆ حکومەتی هەرێم دیاری کردووە تا دارایی هەرێم و داهاتی نەوتی و نانەوتی هەرێمی کوردستان رێکبخات.
لە خاڵێکی دیکەی نوسراوەکەدا هاتووە، دیوانی چاودێری دارایی فیدراڵ بە هەماهەنگی لەگەڵ وەزارەتی دارایی عێراق و دیوانی چاودێری دارایی هەرێم داهاتە نانەوتییەکانی هەرێم هەژماردەکات و وردبینی بۆ دەکات.
ئاماژە بەوەشکراوە، گوژمەی داهاتووی دوای مانگی ئایار لەدوای رێکەوتنی هەردولا دەنێردرێت.
