“نرخى ههر مسقاڵێك زیڕ 50 ههزار دابهزى”
دوكانێكى فرۆشتنى زێڕ له سلێمانى/ فۆتۆ: SNN
SNN – محهمهد سهلامى
وتهبێژى بازاڕى زێڕینگهرانى سلێمانى رایدهگهیهنێت، نرخى ههر كیلۆیهك زێڕی عهیارى 24 كه ئێمه دهیكڕین ههزار و 700 دۆلار دابهزیووه، دهشڵێت: “بههۆى خراپى بارى داراییهوه هاوڵاتییان زێڕ ناكڕن”.
ئهمڕۆ دووشهممه 22ى ئاب، دلێر تاهیر، وتهبێژى بازاڕى زێڕینگهرانى سلێمانى به SNN راگهیاند، “ماوهى ههفتهیهكه نرخى زێڕ بهشێوهیهكى بهرچاو دابهزیووه بهشێوهیهك ههر قاڵبێكى زێڕ كه كێشهكهى كیلۆیهكه و عهیارى 24 ئێمه جاران به 57 ههزار و 400 دۆلار كڕیومانه، بهڵام ئێستا به 55 ههزار و 700 دۆلار دهیكڕین، كه ئهمهش دابهزینێكى بهرچاوه و نرخى ههر مسقاڵێك زێڕ بهشێوهیهكى گشتى 50 ههزار دینار دابهزیووه”.
وتیشى: “به بهراورد به ماوهكانى رابردوو نرخى زێڕ زۆر دابهزیووه، بهڵام بههۆى ئهوهى هاووڵاتییان بارى داراییان زۆر خراپه ناتوانن بێن و زێڕ بكڕن”.
له وهڵامى ئهو پرسیارهى ئایا پێشبینى دووباره بهرزبوونهوهى نرخى زێڕ دهكهن وتهبێژى بازاڕى زێڕینگهرانى سلێمانى ئهوهشى خستهڕوو؟، “پێشبینى دهكهین له مانگى تشرینى یهكهمدا دووباره نرخى زێڕ بهرزبێتهوه له بازاڕدا”.
به وتهى وتهبێژى بازاڕى زێڕینگهرانى سلێمانى، “بههۆى بهرزبوونهوهى نرخى زێڕ بهشێك له زێڕینگهران زیانیان بهركهوتووه، بهڵام ئهو زیانه زۆر گهوره نییه”.
