داهاتى نهوتى ههرێم له 3 مانگدا زیاتر له 3 ملیار دۆلار بووه
بۆرییهكى ههناردهكردنى نهوت | فۆتۆ: Kayrros
SNN
رێكخراوى دیلۆیت زانیارییهكانى تایبهت به نهوتى ههرێمى كوردستانى له چارهگى دووهمى ئهمساڵدا بڵاوكردهوه و رایگهیاند، داهاتى نهوتى ههرێم له 3 مانگدا زیاتر له 3 ملیار دۆلار بووه و بهرمیلێك نهوتیشى به زیاتر له 100 دۆلار فرۆشتووه”.
له راپۆرتهكهدا كه ئهمڕۆ شهممه 24ى ئهیلول بڵاوكراوهتهوه هاتووه، “داهاتى نهوتى ههرێم له 1ى نیسان تاوهكو 30ى حوزهیرانى ئهمساڵ 3 ملیار و 776 ملیۆن و 251 ههزرا دۆلار بووه كه له فرۆشتنى نهوتى ههرێم دهستكهوتووه”.
له راپۆرتهكهدا دیلۆیت نرخى نهوتى فرۆشراوى ههرێمیشى ئاشكرا كردووه و ئهوهشى خستووهتهڕوو، “له چارهگى دووهمى ئهمساڵدا ههرێم یهك بهرمیل نهوتى به 100 دۆلار و 38 سهنت فرۆشتووه”.
دیلۆیت له راپۆرتهكهیدا باسى له قهبارهى نهوتى ههناردهكراوى ههرێمیش كردووه و ئهوهى خستووهتهڕوو، “ههرێم له چارهگى دووهمى ئهمساڵدا 37 ملیۆن و 618 ههزار و 577 بهرمیل نهوتى ههنارده كردووه”.
دهقى راپۆرتهكه
